Бугарските експерти во Германија со плата од …. илјади евра

Добивај вести на Viber

Околу 3 800 евра е месечната плата на бугарските инженери и ИТ професионалци, кои заминале да работат во Германија. Ова го покажуваат податоците на Агенцијата за вработување за првите шест месеци од годината, изготвени за бугарски еконосмки портал.

Агенцијата е посредник при наоѓање на работа на бугарските специјалисти, а огласите се објавуваат на сајтот Еures.bg. На него најмногу работни места се огласуваат во Германија, Франција, Чешка, Шведска и Австрија. Овие позиции се отворени за граѓаните на сите земји од ЕУ и Швајцарија.

Плаќањето во Германија се определува од колективните договори за индустријата во соодветната германска покраина и од квалификациите и искуството на вработените. Така на пример за возачи платата варира помеѓу 1 500 - 2 000 евра бруто месечна плата, за техничките специјалисти 2 100 - 2 800 евра, за готвачи со стручно образование и искуство - од 1 800 евра бруто месечно, за келнери - помеѓу 1 200 и 1 800 евра бруто, за работници во синџири за брза храна - до 1 200 - 1 500 евра бруто. Понекогаш работодавците им нудат на Бугарите и дополнителни бенефиции како бесплатно сместување и храна.

Веќе неколку години кон Агенцијата за вработување се свртуваат работодавачи од Шпанија, кои бараат аниматори за хотели во летната сезона и од Велика Британија - со работни места за готвачи. Еден од најновите трендови е дека поради стареењето на населението, секоја година расте бројот на понуди за чување на возрасни и болни луѓе.

Според статистиката на EURES во Европа најмногу се бараат инженеринг специјалности, работните позиции во производството и компјутерски специјалисти.

Според податоците на Агенцијата од почетокот на годината работа во други европски земји почнале над 950 Бугари. Најголем број од нив, околу 800, се ангажирани за сезонски вработувања во земјоделството во Шпанија, Португалија и Данска.

Голем број бугарски граѓани почнаа работа и во туристичката индустрија во земји како Австрија, Германија, Велика Британија, Шпанија и неколку аниматори во Грција. Како технички специјалисти и работници во производство во Германија, Чешка и Италија нашле десетици .