Бутарис нападнат и заради Македонија?
Објавено во: Балкан 20 Мај, 2018
Градоначалникот на Солун, Јанис Бутарис(75), се здоби со повреди на главата, грбот и нозете откако го нападнаа вчера со шишиња и клоци на комеморацијата во Солун по повод одбележување на генецидот врз Пондите.
Го нападнаа група екстремисти. Фотографот Костас Цакалидис, за „Ал џезира“ изјавил дека ставот на Бутарис за спорот со името е една од причините зошто националистите го нападнаа.
„Група луѓе почнаа да викаат по него за неговите ставови околу спорот со Македонија, ЛГБТ заедницата, Турција и националистичките фудбалски клубови. Некои од луѓето извикуваа поради Евреите затоа што тој има блиски односи со еврејската заедница“- вели Цакалидис.
Додава дека некои од напаѓачите ги видел на ултранационалистичките протести.
Во нападот Бутарис падна и додека лежеше на земја еден од насилниците продолжи да го удира со клоци, објаснува фотографот.