Бутарис раскажа за тепањето: Она што го доживеав беше кошмар
Објавено во: Балкан 20 Мај, 2018
Она што го доживеав беше кошмар, раскажува градоначалникот на Солун, Јанис Бутарис кого вчера го тепаа екстремни националисти.
„Имаше неколку кои ме тепаа насекаде, низ моето тело, со удари, со сè. Имам некоја своја верзија за тоа како започна оваа приказна, но не сакам да зборувам за тоа“- вели тој.
Бутарис е хоспитализиран во болницата во Солун.
Тој е претепан од националисти додека присуствувал на церемонија на спуштањето на знамето на комеморацијата на Грците кои загинаа во борба против Турците во Првата светска војна и во грчко-турската војна која следуваше. Тогаш десетина луѓе му се доближиле на Бутарис (75) и му рекле да го напушти собирот, а потоа го нападнале со шишиња.