ЕВЕ КАКО ИЗГЛЕДАШЕ ГРЦИЈА - портокалов сахарски песок над Атина (ФОТО)
Објавено во: Балкан 24 Април, 2024
Облаците донесоа прашина од пустината Сахара, со што грчката престолнина Атина стана портокалова. Според официјални лица, тоа е една од најлошите такви ситуации што ја погодиле Грција од 2018 година.
Слични облаци се надвиснаа над Грција на крајот на март и почетокот на април, а беа и над делови од Швајцарија и јужна Франција.
Денеска се очекува небото да се расчисти, соопшти грчката метеоролошка служба.
Квалитетот на воздухот се влоши во многу делови од земјата, а во средата наутро античкиот Акропол во Атина не беше видлив поради прашина.
Облакот достигна дури 500 километри северно, до Солун.
На луѓето со респираторни проблеми им се советува да не се многу надвор, да носат заштитни маски и да избегнуваат физички вежби додека не се расчистат облаците од прашина.
И покрај убавината на портокаловата нијанса над Атина, која предизвика многу граѓани да се сликаат на отворено, сепак песочните облаци претставуваат голем ризик за луѓето со респираторни заболувања.
Сахара ослободува од 60 до 200 милиони тони минерален песок годишно.
Поголемиот дел од песокот брзо се таложи на земјата, но некои од малите честички можат да патуваат далеку, понекогаш стигнувајќи до Европа.
Атмосферата, особено во јужна Грција, стана задушувачка поради комбинацијата на песок и високите температури.
Метеорологот Костас Лагувардос го спореди погледот од метеоролошка станица со планетата Марс.
Противпожарната служба во вторник пријавила 25 пожари во последните 24 часа.
Еден пожар избувна во близина на поморска база на островот Крит, каде температурите надминаа 30 степени Целзиусови, а некои луѓе беа евакуирани, јавуваат локалните медиуми.
Фото: EPA-EFE/GEORGE VITSARAS
Можеби ќе ве интересира
СТИГНА ПРВАТА ДОЛГОРОЧНА ПРОГНОЗА ЗА ЕСЕНТА 2024 - еве што нѐ чека после најтоплото лето во последните 100 години
„ИМ БОДЕ ОЧИ“ – ПЛАТАТА НА ПЛЕНКОВИЌ МЕЃУ НАЈВИСОКИТЕ ВО ЕУ: Еве колку зема сега откако вчера си ја покачи за 70 отсто
СТРАШНА ЕКСПЛОЗИЈА ЈА ПОТРЕСЕ БУГАРИЈА: изгоре магацин со огномет во Елин Пелин, има повредени (ВИДЕО)
ЗАВРШИ ДРАМАТА НА ХРВАТСКОТО КРАЈБРЕЖЈЕ: „Оливер“ успешно вплови иако доцнеше со часови (ВИДЕО)
РАБОТЕЛ КАКО СЕЗОНСКИ РАБОТНИК ВО ЛУКСУЗЕН РЕСТОРАН ВО ХРВАТСКА: Му ја намалиле саатницата, бил сместен со 7 работници во една соба, еве го неговот искуство
Американската банка Меркур ја вклучи Хрватска во „забранетите земји“, заедно со Северна Кореја, Авганистан, Куба и Иран
ХОРОР НА ЈАДРАНОТ, КАКО ЗАБАВА СЕ ПРЕТВОРИ ВО ДРАМА: Пропелер ѝ ја откинал ногата на жена, итно префрлена во болница
СИТЕ НЕДВИЖНОСТИ НА ТИТО: Една му била особено драга, еве што се случува со неговиот имот сега
ШТО Е АКИРА – ОД 250 „ЖРТВИ“ ИЗВЛЕКЛЕ 42 МИЛИОНИ ДОЛАРИ: „Ова е нивната тактика“
