Цената на „црното злато“ под 54 долари
Објавено во: Економија 16 Декември, 2016
Цените на нафтата се стабилизираа денеска на меѓународните пазари на нивото под 54 долари за барел.
На лондонскиот пазар цената на барелот остана речиси непроменета во однос на претходното затворање и изнесуваше 53,82 долари. Позначителни промени во цената немаше ниту на американскиот пазар, каде со барел се тргуваше по 50,63 долари.
Одвоено Организацијата на земјите извознички на нафта (OPEC) објави дека цената на барелот референтна кошничка нејзина нафта во четвртокот изнесувала 50,96 долари.
Кон крајот на ноември OPEC договори намалување на производството за 1,2 милиони барели дневно (BPD) по 1-ви јануари. Ова е прв ваков договор по 2008 година.
Тие договори ги поттикнаа очекувањата на пазарите дека доаѓа крајот на двегодишниот период на прекумерно снабдување и дека цените ќе се стабилизираат на нивоата од октомври 2015 година.
Русија во петокот извести дека сите нафтени компании во земјата, вклучително и најголемата „Роснефт“, се согласиле да го намалат производството.
Кувајт и Саудиска Арабија, ги известија своите клиенти дека од јануари 2017 година ќе започнат со намалувањето на снабдувањето.