ЦЕНИТЕ ЌЕ СЕ ЗАОКРУЖУВААТ: Во оваа земја монети од 1 и 2 центи ќе нема
Објавено во: Економија 29 Мај, 2017
Употребата на монети од 1 и 2 центи ќе биде минато во Италија.
Се смета дека многу пари се потрошени за изработка на ваквите монети.
Парламентот во земјата одлучи од јануари следната година да се укинат монетите од 1 и 2 центи.
Укинување на монетите со мала вредност ќе резултира со заштеда од околу 20.000 евра годишно.
Италијанската влада од воведувањето на еврото во 2004 година потрошила повеќе милиони евра за производство на монетите со мала вредност.
Италијанската новинска агенција АНСА пишува дека со оваа реформа, сите цени во Италија ќе се заокружат на најблискиот износ.
Но, Италија не е осамена во идејата за укинување на овие монети со мала вредност.
Во Германија, размислуваат за можноста за укинување на монетите од 1 и 2 центи.
Во Белгија, Финска, Холандија и Ирска цените често се заокружат до најблискиот број, завршно на 5 центи, за да се избегнат најмалите деноминации, иако тие остануваат законско платежно средство.