Чернева вели дека санкциите се предупредување од Бајден до алчните лидери на Балканот
Објавено во: Балкан 09 Јуни, 2021
Односите меѓу Софија и Скопје мора да се зајакнат, вели Весела Чернева, заменик директор на влијателниот тинк-тенк Европски совет за надворешни односи, за ветото на Бугарија кон Македонија.
Санкциите на Вашингтон според глобалниот закон „Магнитски“, како што вели, се директно предупредување од американскиот претседател Џо Бајден до алчните и несовесни лидери на Балканот дека корупцијата е клучно прашање што треба да се реши.
Таа порачува дека со текот на времето, односите меѓу Софија и Скопје мора да се зајакнат, како и односите на двете толку блиски соседни земји.
„Бугарија мора да биде дел од голема зона на стабилност. Ова може да се направи само со механизми за европска интеграција“, наведува Чернева во интервју за бугарското електронско издание Медиапул, јави дописникот на МИА од Софија.
Напредокот на Бугарија, според неа, е во проширување на стабилноста на Балканот.