Човек загина во поплавите во Коринт
Објавено во: Балкан 10 Септември, 2016
30-годишен маж почина во Грција кога автомобилот му го однесе надојдената вода во селото Врисулс во близина на градот Коринт.
Во меѓувреме, тимовите се 'уште се во потрага по жената која исчезна во поплавите во Солун, во вторникот.
Обилните дождови во регионот на Трикала, исто така, предизвикаа проблеми. Локалната противпожарна служба била повикана да спаси две лица - едно од автомобил, а друго од камион - откако тие беа однесени од надојдените води на реката.
Во северна Грција, сообраќајот беше пренасочен, а поплавените делови на автопатот Игнација беа затворени.
Бројот на жртвите од невремето и поплавите во Грција се искачи на пет лица.