Човекот кој преку писма се закануваше на обвинители оди во притвор
Објавено во: Македонија 02 Февруари, 2022
Битолчанецот кој се закануваше на обвинители оди во притвор.
Истражен судија му одреди 30 дена притвор на битолчанецот, кој упатил пишани закани до двајцата обвинители Љубомир Јовески и Вилма Русковска, но и до американски дипломати. Тој е осомничен за сторено кривично дело „загрозување на сигурноста“.
Тој е уапсен вчера, а по разговорот со него и по извршеното графолошко вештачење од Одделот за криминалистичко технички испитувања и вештачења, утврдено е совпаѓање на обезбедениот ракопис од него и ракописот во напишаните заканувачки писма.Јавниот обвинител Љубомир Јовески на 27 јануари преку писмено соопштение ја извести јавноста дека во текот на претходниот ден, преку препорачана пратка експедирана од Пошта Битола на 17.1.2022 година во 10:26 часот, добил закана по неговиот живот.
Во заканувачките писма пак кои во декември ги добила обвинителката Вилма Рускоска се барало приведување на тогашниот премиер Зоран Заев и неговиот брат Вице Заев.