Чулев : Македонците од Крузерот се вратија дома
Објавено во: Македонија 17 Март, 2020
Техничкиот министер за внатрешни работи Наќе Чулев изјави дека четири македонски државјани кои уште од почетокот на февруари беа задржани на луксузниот крузер „Дајмонд Принцес“ во Јапонија во Јокохама денеска пристигнале дома по изминатиот период на контрола во Белград.
- Шестмина се влезени во Македонија, од кои двајца се албански државјани и заминале во Албанија, додека другите четворица се веќе дома, рече Чулев.
Чулев додаде дека полицијата во Скопје контролира 173 лица во изоцаија, а затворени се седум угостителски објекти , од кои пет од страна на сопствениците. - Битола има 13 лица кои полицијата ги обезбедува. Тетово 16 лица по мерка здравствен надзор, со едно прекршување. Охрид има 82 лица под здравствен надзор во домашна изолација, а контролирани се 131 угоститески објект. Струмица е со 12 лица, од кои кај едно лице има прекршување и поднесена е соодветна пријава. Куманово се 6 лица, а Штип 8 лица, рече Чулев. Специјалните полициски единици спречиле 14 обиди без дозвола за напуштање на општините Дебар и Центар Жупа, каде што е прогласена кризна состојба. Во моментов повеќе од 200 македонски државјани со автобуси и приватни возила се заглавени на граничните премини на враќање дома и граничните полицајци се во постојан контактсо нив и се очекува денеска нивно пристигнување, информира Чулев.
0800-0021 е телефонскиот број на кој на македонски и абански јазик може да има пријавување случаи за непочитување на одлуките на Владата во врска со забраните и препораките за корона вирусот