Cрбија: Cтранските инвестиции ќе надминат над милијарда евра

Добивај вести на Viber

Cтранските инвеститори, во првото полугодие од годинава, вложиле во разни проекти кои се реализираат во Cрбија, повеќе од половина милијарди евра, покажуваат податоците на Народна банка, пренесува Б92. Директорот на Агенцијата за странски инвестиции и промоција на извозот (SIEPA), Божидар Лаганин, вели дека, имајќи ги в предвид започнатите и очекуваните нови проекти, реално се очекува вкупната сума на странски директни инвестиции во Cрбија во текот на оваа година, да достигне над една милијарда евра. „Ние не сме задоволни, ниту од досегашните резултати во привлекување на странски инвестиции, ниту од очекуваниот прилив во текот на целата 2013 година, и се укажува на тоа дека мора многу да се работи за да се постигне прилив на странски вложувања кои во потполност би ги задоволиле потребите на Cрбија на ова ниво од развојот“ - нагласува Лаганин во интервју за Танјуг. Директорот на SIEPE оценува дека, со оглед на реалните состојби во домашното производство, но и ситуацијата во светската економија, задоволителното ниво на странски инвестиции во земјата би било околу две милијарди евра на годишно ниво, или прилижно 5 отсто од вредноста на БДП. „Треба да се има в прдевид дека лани, на глобално ниво, е забележан пад на странските инвестиции од 18% и дека во таква ситуација, секој проект потешко се добива“ - предупредува тој.