Д-Р АЛЕКСАНДАР ПЕТЛИЧКОВСКИ: Ако ги оставиме децата неимунизирани, третата доза нема многу да помогне
Објавено во: Македонија 28 Септември, 2021
Со оглед што се уште има граѓани кои не ја примиле ниту првата доза, третата доза нема да помогне во зголемување на колективниот имунитет.
Ова е став на директорот на Институтот за имунологија, д-р Александар Петличковски, во интервју за телевизијата Телма.
„Бустер дозата, односно третата доза од вакцината против ковид-19, кај нас нема многу да помогне за создавање колективен имунитет, бидејќи има луѓе кои сè уште не примиле ниту прва доза. Сега треба да се вакцинираат и децата, односно населението под 18 години. Ако ги оставиме децата неиумунизирани, а тие одат на училиште, се создаваат можности за пренос на вирусот“, рече д-р Петличковски.