Д-р Ивануша открива која е „феноменална“ вакцина: Пандемијата ќе биде под контрола во 2022 година

Добивај вести на Viber

Гледаме светло на крајот од тунелот, но сè уште не сме во состојба целосно да се релаксираме и да се однесуваме како пред пандемијата на корона вирусот. Се надевам дека ќе го смениме нејзиниот тек со вакцинацијата, што би овозможило животот да стане многу понормален до крајот на 2021 година, а во 2022 година би можеле да ја ставиме пандемијата под контрола, вели во интервју за Телеграф.рс д-р Маријан Ивануша, директор на Канцеларијата на СЗО во Србија.

Во однос на тоа кога можеме да очекуваме крај на пандемијата, д-р Ивануша потенцира дека  зависи пред се од самите граѓани.

-Сепак, она што е важно да се напомене е дека имаме на располагање моќни алатки за борба против вирусите и досега знаеме како да ги користиме. Јавните здравствени и социјални мерки ги нарушуваат синџирите на пренесување и мора да се комбинираат со долгорочна стратегија за вакцинирање. Верувам дека има причина за претпазлив оптимизам и надеж за подобри денови пред нас. Но, на крајот, одлуките што лидерите и граѓаните ќе ги донесат во наредните недели ќе утврдат кога ќе заврши акутната фаза на пандемијата, вели тој.

Во интервјуто посебно потенцира дека треба да бидеме свесни дека ситуацијата нема да се подобри самостојно, дека вирусот, нема да исчезне самостојно, и дека не треба да се губи време да се чека „феноменална вакцина“.

-Многу луѓе се двоумеа помеѓу една и друга вакцина, размислувајќи која вакцина е „најдобрата“. Чекајќи некои „феноменални вакцини“, луѓето губеа драгоцено време бидејќи ја одложуваа вакцинацијата. Ставот на СЗО е многу јасен - сите вакцини што се користат треба да бидат привремено лиценцирани врз основа на јасни и строги критериуми. Феноменално е што научниците успеаја толку брзо да произведат различни вакцини. Сега, како што реков многу пати, важно е секој од нас да биде вакциниран. Вирусот нема да се контролира од некој друг што се вакцинира. Однесувањето на секого е исто така важно кога станува збор за вакцинаци и превентивно однесување, вели д-р. Ивануша.