Д-р. Софијанова: Не смееме да се опуштаме, но сепак, поради вакцината, ова ќе биде послободна година
Објавено во: Македонија 06 Јануари, 2021
Многу е важно вакцинацијата да почне навреме, за да почне враќањето во нормалниот живот.
Ова во изјава за Канал 5 го нагласува директорката на Детската клиника Аспазија Софијанова.
„Сепак треба да бидеме внимателни. Бидејќи, колку повеќе се опуштаме, некако сфативме дека како да има еден ри-баунд феномен. Колку повеќе опуштање, толку повеќе вирусот како да ќе сака да се врати, иако, сепак, тој не е толку паметен, бидејќи со фактот што веќе ја имаме и вакцината, можеме да сметаме дека оваа година сепак ќе биде повеќе слободна година. Но, и покрај тоа што бројките паѓаат, верувам дека овие мерки кои што ги имаме, се сепак и доволно рестриктивни, и доволно внимателни, за сепак да не се доведеме во ситуација на психолошки проблеми, значи да можеме да се движиме запазувајќи ја социјалната дистанца. Бидејќи, се друго би создало проблеми на психолошка основа, и кај децата, а кај нас возрасните, ние навистина умееме донекаде во од да го надминуваме сето ова и да го одржуваме колку толку нормалнит живот, но пак ќе кажам, внимателно, бидејќи со овој вирус очигледно мора да постапуваме сериозно. Тоа дотолку повеќе што еве постојат мутантни облици во Британија и во Јужна Африка можат да не изненадат, иако тие немаат пострашна клиничка слика, но имаат поголема трансмисивност. Што значи дека вирусот може да мутира, но и покрај тоа сепак имунизацијата ќе се справи со ваквите таканаречени мутирани облици на вирусот“, изјави доктор Софијанова во дел од интервјуто дадено за Канал 5 телевизија.