Дачиќ само што не се степал со овој политичар
Објавено во: Балкан 16 Јануари, 2019
Шефот на српската дипломатија, Ивица Дачиќ, вели дека на состанок на делегациите на Србија и на Косово во Брисел, малку фалело за да дојде до тепачка меѓу него и тогашниот косовски министер за правда, Хајредин Кучи.
Тој ова го изјави по повод изјавата на српскиот претседател Александар Вучиќ дека поранешниот косовски министер за правда скокнал на Дачиќ за време на еден состанок меѓу делегациите на Белград и Приштина и дека тој морал да му помогне.
Дачиќ вели дека оваа ситуација се случила пред неколку години, кога тој бил премиер и кога во делегацијата беа тој и Вучиќ.
„Јас се изнервирав, сешто им кажав – кои се тие постојано да ја напаѓаат Србија дека сме извршиле геноцид, тие ништо не прифаќаат. Кога Кучи рече дека ние Србите сме убијци, малку требаше за да дојде до физичка пресметка. Скокнавме преку масата Кучи и јас за да речиси физички се пресметаме. Тогаш Вучиќ скокна, паднаа тешки зборови и на крајот ги замолкнавме. Сите нив, Кетрин Ештон, ги исфрли од состанокот “, раскажа Дачиќ.
Вели дека најекстремни биле министрите за правда Хајредин Кучи и Едита Тахири.