Дали францускиот раст е доволно силен да ја извлече еврозоната од рецeсија?

Добивај вести на Viber

Eвропската монетарна унија е во слаба рецесија, и се уште не покажува здрави знаци на опоравување. Во третото тримесечје германската економија има раст од 0.2 проценти во однос на второто. За периодот април-јуни БДП на Германија забележа раст од 0,3 отсто, а во првите три месеци 0.5%, додека аналитичарите очекуваа раст од 0.1 проценти во третиот квартал. Француската економија сепак изненадувачки се враќа кон растот, откако бруто домашниот производ се покачи за 0,2 отсто во третото тримесечје, соопшти Националниот институт за статистика (Insee). Се очекува за целата 2012 година растот да биде 0.2 проценти, ако во последниот квартал има стагнација. Тоа значи дека ќе биде потребно да се постигне раст во последните три месеци од годината, ако владата сака да ја постигне целта за раст од 0.3 отсто оваа година. Но, она што може да се забележи е дека индустриското производство во Еврозоната во септември во однос на истиот месец лани падна за 2,3% , а на ниво на Европската Унија за 2,7%, што покажува дека излезот од кризата се уште се базира на инцидентни ситуации односно земји. Еве во кои европски земји беше регистриран позначаен пад : Сепак, дел од економиите прикажаа и пораст на индустриското производство: Бугарија, Романија, Норвешка и Словенија во септември имале помал пад на индустриското производство во споредба со останатите економии што прикажаа пад.