Далип: Египканите се третираат како граѓани од 5-ти ред
Објавено во: Македонија 22 Октомври, 2021
Египканите, како лојални грагани на Македонија, како посебна автентична и автохтона заедница, дефинитивно, трпат секојдневна дискриминација, не се соодветно и правично застапени во институциите на системот, се третирани како грагани од 5 ти ред, нема ниту 1 деклариран, а вработен Египканец, согласно Охридскиот рамковен договор и многу вакви недемократски примери, вели Демир Далип, лидер на НГИ Коалицијата на Египкани на Македонија
„Изворот, на ваквите недемократски примери е неспомнувањето на Египканите во Преамбулата на највисокиот правен акт-Уставот на Македонија. И, токму затоа, сметаме дека категоријата „и други“ е извор на дискриминација. Во насока на елиминирање на овие непопуларни состојби кои се косат со Европските и демократски вредности, е спомнување на Египканите, Бугарите, Хрватите, Црногорците и сите други заедници, кои се позиционирани во категоријата „и други“ во Уставната Преамбула. На тој начин, практично ќе се ефектуира и начелото на рамноправност и еднаквост, и нема да има повреда на основните човекови права и слободи. Како, земја членка на НАТО како и земја која има аспирации да биде полноправна членка на ЕУ, дефинитивно мора и треба да се превземат чекори за реализација на ова легитимна цел, истакна Далип.