Добивај вести на Viber
Пратеникот на ВМРО-ДПМНЕ, Дарко Костовски, кој наедно е кандидат за градоначалник на Општина Бутел, објави дека актуелниот градоначалник Велимир Смилевски на три дена пред почетокот на изборната кампања за локалните избори денеска со мнозинството советници носи нов Детален урбанистички план, според кој треба да се изградат осум нови згради на булеварот Словенија.
„Најнеспособниот градоначалник во историјата на Општина Бутел Велимир Смилевски, денеска или само три дена пред почетокот на кампањата, тој заедно со своите послушни советници носи ДУП (детален урбанистички план) за нови осум згради кај булеварот Словенија.
Јас сум свесен дека му се брза затоа што го чека голем пораз, но не ми е јасно зошто кога НИШТО добро не направи за нашата општина тој свесно ја уништува“, пишува меѓудругото Костовски.
Тој додава дека по изборите, доколку ја добие довербата од граѓаните, сите постапки и процедури кои наштетуваат на граѓаните ќе бидат детално проверени.