Добивај вести на Viber
Jапонскиот производител на електроника Sharp, веќе предупреди дека постои можност компанијата да не ги преживее сегашните економски и пазарни услови. Меѓутоа, акциите на Sharp веднаш се зголемија на берзата во Токио, откако Wall Street Journal објави за преговорите што се одржаа со американската компанија Dell во врска со инвестициите, пишува Zimo.co
Инвестициите треба да се во вредност од 240 милиони долари, иако изворот на оваа информација не се открива, веста е потврдена, според Бизнис Insider. Оваа вест доаѓа по неуспешниот договор меѓу Sharp и Foxconn, инвестиции вредни околу 67 милијарди јени (околу 850 милиони долари). Порано овој месец, Sharp "изрази сомневање" во нивната способност да преживеат по загубата предвидена за оваа година до 450 милијарди јени (околу 5,5 милијарди долари).
Компанијата започна со отпуштањa на работници и праќање на принуден одмор и предвремено пензионирање, се намалуваат плати и се продава дел од имотот. Портпарол на Sharp, изјави дека компанијата не е изворот на оваа вест, и дека ништо не е решено. Од друга страна, Dell "не коментира за гласини и шпекулации".