Демант од правниот застапник на Харрис и детската градинка Британска детска академија

Добивај вести на Viber

“На ден 31.08.2018 год. на веб страницата https://faktor.mk/ е објавен текст со наслов “Која газдарица на детска градинка управува со фирмата што купи рудник за 2 милиони евра?” во кој е наведено дека: “Станува збор за ТХ Мининг ДООЕЛ чиј управител е извесна Севдалина Харрис која пак е сопственик на уште две правни лица: првото е друштво за услуги Британска детска амбасада ДООЕЛ Скопје со седиште на ул.Васил Ѓоргов бр. 36 со дејност: останати забавни и рекреативни дејности , а воедно е и сопственик на приватна установа за деца – детска градинка Британска детска академија Скопје со дејности на дневна социјална заштита на деца.” 

-Изнесените наводи се невистинити од причина што лицето Севдалина Харрис не е управител ниту сопственик на ТХ Мининг ДООЕЛ Скопје, видно од Тековната состојба на правното лице, туку управител и сопственик е друго лице- велат од правниот застапник на компанијата.

„Уште повеќе што во Решението на Комисијата за заштита на конкуренцијата, користено за пишување на текстот, не е содржано дека лицето Севделина Харрис е управител на друштвото, дека е сосопственик на правното лице кое во 2017 год. имало форма на ДОО, а не ДООЕЛ како што е наведено во текстот на factor.mk.

Воено изјавуваме дека со изнесените невистинити зборови е повредена честа и угледот на лицето Севдалина Харрис и угледот на детската градинка Британска детска академија Скопје.”, стои во демантот.

Редакцијата на Фактор им се извинува на засегнатите страни за техничкиот пропуст во текстот, а со објавениот текст редакцијата немала намера да ги повреди честа и угледот  на лицето Севдалина Харрис и угледот на Приватната установа за деца – детска градинка Британска детска академија Скопје.