Дендиас најави дека Преспанскиот договор ќе биде во полн ек со датумот за преговори

Добивај вести на Viber

Шефот на грчката дипломатија, Никос Дендиас, во интервју за грчкото радио „Реал фм“  рече дека се согласува со коментарот дека „ќе се коригираат одредени слабости на Договорот од Преспа”, но дека таква можност Грција ќе има само кога на Македонија ќе и се одреди датум за почеток на пристапни преговори.

– Тогаш ние ќе добиеме можност, преку поглавјата што ќе се отвораат да објасниме, бидејќи јас не сакам никого да притискам, да објасниме затоа што некои работи треба да се коригираат, рече министерот за надворешни работи на Грција.

Дендиас рече дека Грција го поддржува проширувањето на ЕУ, бидејќи „тоа е во интерес и на Европа и во интерес на Грција”, но дека јужниот сосед нема толкава моч за да ја менува политиката и барањата на Франција.

– Дали ќе успееме не можам да кажам. Не сум сигурен дека ние можеме да ја одведеме француската политика до промена, но сигурно ќе се обидеме, премиерот се труди многу во оваа насока. Јас се видов завчера со Димитров, во вторник ќе одам во Скопје, а ќе се видам и со холандскиот министер следната седмица во Атина. Холандија беше една од трите земји кои рекоа не, планираме да одам и во Копенхаген, а ќе се видиме пак и со Французите. Со Ле Дријан се видов завчера на состанокот на НАТО. Во рамките на нашите можности, правиме повеќе од она што можеме, изјави Дендиас.

Дендиас и заменикот министер за надворешни работи надлежен за економска дипломатија Костас Франкојанис во вторник, на 26 ноември, ќе го посетат Скопје.