ДЕНЕСКА ДВИЖЕЊЕ ДО 20 ЧАСОТ: Стапува на сила новата рестриктивна мерка, од утре затвораат кафеаните и рестораните
Објавено во: Македонија 06 Април, 2021
Од вечерва
движењето за граѓаните е ограничено после 20 часот до 5 часот изутрина, а
ваквата рестриктивна мерка ќе се применува до 20. април. Владата вчера донесе
одлука за нови антиковид мерки по укажувањата на епидемиолозите за лошата состојба
во земјава со корона вирусот.
Врз основа на анализите од претходните денови, евидентно е зголемувањето на новозаразени со Ковид-19, како и зголемувањето на бројот на пациенти на кои им е потребно болничко лекување. Здравствените власти велат дека и покрај тоа што се уште има слободни болнички кревети, медицинскиот кадар е преморен, заради што првенствено се носат новите рестриктивни мерки.
Освен тоа, британскиот сој на вирусот, кој во моментов е доминатен во Македонија, предизвикува многу потешки клинички слики кај пациентите и тоа многу брзо по заразувањето. Лекувањето трае подолго, а компликации настануваат дури и на 12-от, па и на 14-от ден од почетокот на болеста.
-Во таа насока, за да се спречи понатамошно оптоварување на здравствениот систем, но и за да не се случи затворање за време на престојните весрки празници, одлучивме сега да ги воведеме рестриктивните мерки, беше речено на вчерашната прес-конференција.
Освен полицискиот час кој почнува од денеска од 20 часот, од утре до 20.април ќе бидат сите угостителски објекти, спортските сали и фитнес центри, забрането е одржување обуки, семинари и конференции, обложувалниците ќе имаат шалтерски систем за уплата и дозволено е изнесување на милениците на граѓаните кои живеат во згради од 22 до 23 часот.
- Второ, на граѓаните, кои извршиле имунизација/вакцинација во центрите за вакцини, за временскиот период непосредно пред започнувањето на забраната и посебниот режим на движење, им се дозволува враќање до своите живеалишта, престојувалишта, врз основа на потврда за извршена вакцинација.
- Трето, целосна забрана за посетители, гости, во сите угостителски објекти, кафетерии, ресторани, барови, клубови и други објекти, кои во склоп на истиот даваат угостителски услуги, како и во угостителските објекти, дел за исхрана во угостителските објекти за сместување, хотели, мотели, хостел, пансион и други објекти за сместување или на бензиски станици. А, оние угостителски објекти кои вршат подготовка и продажба на храна. Можат да остваруваат продажба на алтернативни начини: онлајн или телефонски нарачки и слично. И, сите заедно, да вршат достава или да овозможуваат самостојно подигнување на нарачката надвор од угостителскиот објект преку штанд/пулт, почнувајќи од 7 април 2021 година (среда) до 20 април 2021 година (вторник).
Исклучок од ова се, угостителските објекти на Меѓународниот аеродром „Скопје“ и аеродромот „Свети Апостол Павле“ во Охрид, како и угостителските објекти, деловите за исхрана во угостителски објекти за сместување, хотел, мотел, хостел, пансион и други објекти за сместување, за посета од лица сместени во овие објекти.
Четврто, целосна забрана за посетители и гости во сите обложувалници, односно приемот на посетителите и работата на обложувалниците да биде овозможена исклучиво преку вршење на шалтерска услуга, шалтер, штанд, пулт. Односно, угостителскиот објект, дел во обложувалниците, како и во казината, да биде затворен за посетители почнувајќи од 7 април 2021 година (среда) до 20 април 2021 година (вторник).
Следно петто, целосна забрана за посетители и гости во сите вежбални, фитнес клубови, спортски центри и сали наменети за вежбање, почнувајќи од 6 април 2021 година (вторник) до 20 април 2021 година (вторник).
Шесто, се забранува организирање, одржување и присуство, учество на секаков вид на семинари, обуки, работилници, курсеви, конференции и други настани од ваков вид почнувајќи од 6 април 2021 година (вторник) до 20 април 2021 година (вторник).
На земјоделците им се овозможува движење врз основа на дозволите од подрачните единици и општинските кризни штабови до пазарите и назад од пазарите, до нивите и слично. Мерка која што беше овозможена пролетта.
Следно, за време на забраната и посебниот режим на движење на територијата на Република Северна Македонија сите граѓани кои живеат во станбени објекти за колективно домување и што имаат домашни миленичиња (куче) да може да ги изнесуваат надвор од своите домови во вечерните часови во времетраење од еден час, почнувајќи од 22:00 часот до 23:00, најмногу до 100 метри од објектот во кој живеат.
Останува на сила, строгата забрана за групирање на повеќе од четворица граѓани.