ДЕНЕСКА ЌЕ БИДЕ ОПЕРИРАН ЕДЕН ОД ПОВРЕДЕНИТЕ 12 ПАТНИЦИ ВО ИТАЛИЈА - другите 11 од сообраќајката се добро и се пуштени дома
Објавено во: Македонија 05 Април, 2024
Во врска со вчерашната сообраќајка во Италија, Министерството за надворешни работи преку Амбасадата во Рим добило информации дека по соодветна лекарска помош за добиените лесни повреди во болница во градот Сан Бенедето дел Тронто, 11 патници, државјани на Северна Македонија во текот на вчерашниот ден беа пуштени дома во добра здравствена состојба.
„Додека 12-тиот патник, наш државјанин се наоѓа во болница во Анкона, каде што во текот на денешниот ден ќе има хируршка интервенција за добиените повреди во нога и рака“, се вели во известувањето кое го добивме од Министерството за внатрешни работи.
Министерството преку Амбасадата во Рим останува во континуирана комуникација со надлежните италијански институции, кои работат на целосно расчистување на случајот.