Девојче искасано во сопствен двор во Кавадарци
Објавено во: Македонија 02 Април, 2018
Девојче од Кавардци се стекна со потешки телесни повреди откако во дворот од нејзината куќа влегло куче во сопственост на соседите и ја искасало за раката и ногата.
Настанот се случил во саботата, додека малолетно дете си играло во дворот од куќата на улицата „ЈНА“ во Кавадарци, потврди Верољуб Додевски, портпарол на СВР Велес
– Во еден момент во дворот влегло куче од непозната раса, сопственост на соседите. Тоа го нападнало и каснало девојчето на левата рака и левата подколеница, при што, му нанело телесни повреди, појасни Додевски.
Увид на местото на настанот извршила екипа од Полициска станица од општа надлежност Кавадарци. (МИА)