16 Октомври, 2021
0.0224

Димитриевски до Тасевска од СДСМ: Земјиштето е приватно, стекнато кога работев во Ирак и кога не се занимавав со политика, лагите нема да ви поминат!

Објавено во: Македонија 14 Октомври, 2021

Независниот кандидат за градоначалник на Куманово, Максим Димитриевски реагира за денешната прес-конференција на пратеничката од СДСМ Лидија Тасевска. 

„Денеска, повторно сме сведоци како продолжуваат нападите и лажните обвинувања од страна на кандидатот за градоначалник од редовите на СДСМ Оливер Илиевски и пратеничката на СДСМ Лидија Тасевска. И двајцата денеска излегоа со информација за моја наводна злоупотреба на службената положба за купување на државно земјиште. Кандидатот за градоначалник Илиевски во дебатна емисија дезинформира дека имотот сум го стекнал кога сум бил претседател на Советот во општината, додека пак пратеничката Тасевска дезинформира дека имотот сум го стекнал додека сум бил градоначалник. Пред да изнесувате вакви информации потребно е претходно да ги знаете фактите! Точно е дека имам земјиште, но за него се водеше постапка 9 години, а тогаш немав ништо со политика. Како и многу други мои сограѓани работев во Ирак, спечалив пари и купив земјиште, кое не е државно како што вие дезинформирате, туку е купено од приватно лице како и многу други купувачи од мојот град во тоа време кои купија имот на таа локација "Црвенки". Ова земјиште е уредно пријавено, со документи и сите постапки како мој имот и тоа се гледа во мојата пријавена имотна состојба во ДКСК. Да повторам, земјиштето не е државно, туку било и е приватна сопственост во моментот на купопродажба инсо истото сум се стекнал кога не сум бил претседател на Совет, ниту пак кога сум бил градоначалник, туку е стекнато пред многу години кога работев во Ирак! Пред да излезете заеднички во јавност со дезинформации и обвинувања, потребно е подобро да се спремите. Со ваквите неосновани напади кои сакате да ги злоупотребувате во политички цели само докажувате дека вашата цел е да победите на локалните избори со лаги и притисоци“, стои во реакцијата. 

Додава дека граѓанската иницијатива „За наше Куманово“ континуирано во текот на целата кампања се соочува со закани, притисоци, местенки, но вели дека тој начин за доаѓање на власт повеќе не поминува! Доколку пратеничката Тасевска во рок од 48 часа не се извини, ќе биде покрената тужба.

Можеби ќе ве интересира

Исечен цел ред дрва кај Ист Гејт Мол

Исечен цел ред дрва кај Ист Гејт Мол

Ќе се истражува дали претходно четворицата Руси се затруле во Охрид пред да починат во Албанија

Ќе се истражува дали претходно четворицата Руси се затруле во Охрид пред да починат во Албанија

МЗ: Починатиот 22-годишник од Битола немал хронични заболувања

МЗ: Починатиот 22-годишник од Битола немал хронични заболувања

Еден од уапсените во Делчево за давање поткуп бил кандидат за градоначалник

Еден од уапсените во Делчево за давање поткуп бил кандидат за градоначалник

Повикан во полиција откако земал 3.000 денари за глас

Повикан во полиција откако земал 3.000 денари за глас

Пенкалото треба да се дезинфицира по секое гласање

Пенкалото треба да се дезинфицира по секое гласање

СИМУЛАЦИЈА: Како се зголемуваше бројот на смртни случаи во Македонија

СИМУЛАЦИЈА: Како се зголемуваше бројот на смртни случаи во Македонија

Скопјанец ја убил мајка си со остар предмет

Скопјанец ја убил мајка си со остар предмет

Во Струмица ниту еден заболен од Ковид-19 не сакал да гласа

Во Струмица ниту еден заболен од Ковид-19 не сакал да гласа