Димитриевски: Претседателе мој, се срамам од самиот себеси што те поддржав но и што водев кампања за тебе
Објавено во: Македонија 25 Октомври, 2022
Kумановскиот градоначалник Максим Димитриевски го критикува претседателот Стево Пендаровски кој денеска во Варшава се сретна со македонисти.
Реакцијата ја објави на социјалните мрежи.
„Народот кој што таму живее" ех Претседателе мој, се срамам од самиот себеси што те поддржав но и што водев кампања за тебе. Дојде време ни името на сопствениот народ македонски да не смееш да го изустиш. Имајќи почит кон функцијата која што ја обавувате ќе се воздржам од дополнителни коментари, но јавно се извинувам на граѓаните што направив грешка при мојот избор и агитирав за Вас да денеска неодговорно кон граѓаните ја извршувате оваа функција. Надминал Македонецот и потешко и полошо и секогаш излегувал посилен“, пишува Димитриевски.
Вели секоја чест за Р. Полска која уште од граѓанската војна во Грција ги прифати децата бегалци и им овозможи училишта на мајчин македонски јазик, докажан пријател и партнер на Македонија.
фото Фејсбук