ДИМИТРОВ: Влезот на Алијанса во Влада би бил само обид да се купи време и да не се оди на избори брзо, туку идната пролет

Добивај вести на Viber

Поранешниот министер за надворешни работи, Никола Димитров, вечерва во Тема на денот во дневникот на телевизија Сител, го изнесе своето мислење дека Алијанса на Албанците и без влегувањето во власта најавуваше дека би гласала за уставните амандмани, што значи дека доколку овој чекор се случи, не прави разлика во таа смисла.

Според екс шефот на дипломатијата, Владата се обидува да избега од одржување на предвремени парламентарни избори.

„Мислам дека повеќе се работи за крпење и лепење на една дупка која што станува се поочигледна и поширока, а што анкетите ја покажуваат, а тоа е дека, за жал, се изневерија надежите и вредностите на Шарената револуција. Имаме еден многу лош исход од овој проблем и маките со Бугарија, и има една немоќ да се испорачаат вистински реформски чекори дома. И затоа ова не може да биде ништо друго, освен обезбедување на уште некое време за да не се оди на избори брзо, туку да се оди на избори идната пролет за да се зголеми мнозинството бидејќи бројките и анкетите се многу лоши, да се купи уште некое време, за жал за поприлично спорно владеење и тоа го гледаме“, рече Димитров.