Димовски против „тајна“ седница за разрешување на Јанева: За тоа е потребно гласање и согласност

Добивај вести на Viber

Пратеникот Илија Димовски потврди дека како претседател на Комисијата за именувања го добил извештајот од Советот за јавни обвинители за разрешување на специјалната обвинителка Катица Јанева, но ќе бара дозвола од четирите најголоеми партии во законодавниот дом материјалот да биде декласифициран, односно да може да се разгледува пред јавноста. За тоа дали овој доверлив материјал може да се разгледува пред јавноста, вели тој, треба да одлучи самата собраниска комисија и тоа со двотретинско мнозинство. Опозиционерот напомена и дека за тоа е потребвна согласност од четирите наголеми партии во парламентот, а при тоа напомена дека од она што го виудел во извештајот таму има многу „незгодни поими“.

„Спооред писмената кореспонденција на Советот на јавни обвинители извештајот е доставен на 30 август, а на 31 е стигнат дека материјалот е доверлив односно „класифициран“ и дека овој материјал може да се гледа на затворена седница. Јас ценам дека расправата на комисијата за именувања има единствено право на самата одлука да одлучи, членоит 18 став 1 вели дека извептајот ќе биде достапен во јавност преку комисиите освен доколку некоја од комисиите не го спречи тоа, Тоа значи дека одлуката дали материјалот ќе биде достапен не ја носи Советот за јавни обвинители, туку Комисијата. Ќе упатам писмо до претседателот на Советот за јавни обвинители,  Ацо Колевски, до кој ќе укажам на оваа сосотојба и ќе укажам дека тој треба да се декласификација и тоа да биде ставено на гласање и одлуката да ја донесе Комисијата Ќе го поканам Ацо Колевски, доколку сака, да биде присутен Седницата ќе биде закажана в четврток на пладне“, изјави Димовски.

Наведе дека во Комисијата пратениците ги исполнуваат условите за расправа под услови на затворена седница, бидејќи од вкупен број 13 членови, 10 поседуваат безбедносен сертификат, како и 10 заменици на комисијата, така што соодносот може да биде адекватен.

„Комисијата ќе има можниост да работи во полн состав само со валиден сертификат. Доколку комисијата гласа за тоа дали седницата ќе биде затворена или отворена за јавност, за тоа ќе биде потребно двотретинско мнозинство. Треба да се обезбеди согласност од сите четири најголеми партии па ќе го прашам претседателот на Собранието, Талат Џафери, кои официјално се четирите најголеми партии. Ќе искомуницирам за да ја добиеме согласноста од сите четири партии“, вели пратеникот на ВМРО-ДПМНЕ.