ДИЗЕЛОТ ПОЕВТИНУВА ЗА 2,5 ДЕНАРИ, Регулаторна утврди нови цени на горивата
Објавено во: Економија 01 Јули, 2022
Регулаторната комисија за енергетика и водни услуги на Република Северна Македонија ја намали малопродажните цени на нафтените деривати во просек за 0,85 отсто.
Со неа, малопродажните цени на бензините Еуросупер БС-95 и Еуросупер БС-98, како и на Мазутот М-1 НС не се менуваат. Малопродажната цена на Еуродизел (Д-Е V) се намалува за 2,50 денари за литар. Малопродажната цена на Екстра лесното масло за домаќинство (ЕЛ-1 ) се намалува за 2,00 денари за литар.
- Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,573 отсто, кај дизелот за 3,326 проценти, кај екстра лесното масло за 3,241 отсто и кај мазутот има зголемување е за 1,197 проценти - објаснуваат регулаторите. .
Со оваа одлука максималните цени на нафтените деривати ќе изнесуваат:
Моторен бензин ЕУРОСУПЕР БС - 95 109,00 (денари/литар)
Моторен бензин ЕУРОСУПЕР БС - 98 111,50 (денари/литар)
Дизел гориво ЕУРОДИЗЕЛ БС (Д-Е V) 104,00 (денари/литар)
Масло за горење Екстра лесно 1 (ЕЛ-1) 103,00 (денари/литар)
Мазут М-1 НС 53,305 (денари/килограм).