ДОДЕКА ИТАЛИЈА Е ВО КАРАНТИН: Еве како живеат Италијанците во Калабрија

Добивај вести на Viber

Во Калабрија вирусот се прошири во последните неколку дена, раскажува Вито Ди Наполи, по професија деловен консултант, и  жител на овој дел од Италија.

Раскажува дека луѓето се плашат пред сè затоа што не постои соодветен здравствен систем за евентуална итна состојба.

„Болниците во Калабрија имаат вкупно околу 110 - 150 кревети за интензивна нега, па доколку вирусот се шири, нема систем за вентилација на пациенти (вирусот влијае на белите дробови). Па, да почекаме што ќе се случи, но од вчера луѓето излегуваат само ако имаат итна потреба, ако мораат“, вели овој човек.

Додава дека тој се плаши дека може да се зарази од вирусот. Италијанците од вторник може да патуваат само на работа, или поради медицински и некои други итни причини. Дадени се многу препораки за заштита кои населението мора да ги почитува.

„Страв постои, улиците се сѐ  помалку и помалку фреквентни како и баровите, а мала посетеност има на продавниците. Училиштата се затворени, и сѐ е пасивно“, раскажува Ди Наполи.

Италија е во карантин.  60 милиони луѓе се во изолација. Бројот на смртни случаи и заразени од коронавирусот забрзано расте.

Откако италијанскиот премиер Џузепе Конте ја прогласи цела Италија за „црвена зона“, ограничувајќи го движењето на луѓето и воведувајќи забрана за собири, луѓето се упатиле кон продавниците во градовите, но и во помалите места.

Конте апелираше до нацијата дека мора да ги смени навиките.

Меѓу населението постои страв дека залихите на храна може да исчезнат.

Спортот во Италија ќе биде стопиран до 3 април. 

За едно деноноќие од коронавирус во Италија починале 168 луѓе. 

Вирусот се рашири низ цела Европа, а заразени се појавија и во Моголија, но и други земји на други континенти.