ДОДЕКА СЕ ПОДГОТВУВА ЗА НОВ МАНДАТ: Пет клучни моменти од животот и кариерата на Меркел
Објавено во: Свет 24 Август, 2017
Ви претставуваме пет клучни моменти од кариерата на Ангела Меркел, често нарекувана најмоќната жена во светот, додека таа се фокусира на следните парламентарни избори во Германија.
Девојката на Кол
Меркел, ќерка на свештеник, израсната зад Железната завеса, стана политички активна, кога опозицијата против владата се зголеми во 1989 година со падот на Берлинскиот ѕид. Таа накратко беше заменик-портпарол на првата демократски избрана источно-германска влада пред да победи на изборите во 1990 година во обединетиот германски парламент како член на Христијанско-демократскиот сојуз (ХДЗ). Потоа канцеларот Хелмут Кол ја назначи за министер за жените и младите во 1991 година, со изразениот прекар "das Maedchen" (девојката). Меркел се искачи до раководството на ХДЗ и така "девојката" беше единствената што имаше храброст да зборува отворено против Кол. Во 2000 година таа беше избрана за претседател на партијата со повеќе од 95% од гласовите. На 22 ноември 2005 година Меркел стана првата жена канцелар на Германија, а потоа беше реизбрана уште два пати.
Нуклеарна енергија? Наин, Данке
Меркел го шокираше светот, кога објави по нуклеарната криза во Јапонија во 2011 година дека германските нуклеарни реактори ќе бидат сопрени до 2022 година.
Берлин ќе продолжува да употребува јаглеин централи, додека не успее целосно да ја развие "зелената" енергија. Земјата инвестира засилено во сончева и ветерна енергија и има за цел да обезбеди 80% од енергетските потреби преку обновливи извори до 2050 година .
„Мадам Нон“
Сите очи се свртеа во германскиот канцелар, кога Грција потона во економска криза во 2010 година. Таа беше наречена "бездушна", откако заедно со министерот за финансии Волфганг Шојбле се изјаснија против простување на големиот долг на Атина. Прогласена за "Мадам Нон" во некои делови на ЕУ, Меркел сепак поддржа три меѓународни спасувачки пакети во вредност од над 300 милијарди евра, но само во замена на важни кратенки на буџетот и нагли зголемувања на даноците.
„Можеме да го направиме“Обично претпазливата Меркел освои меѓународна пофалба со смелиот потег да ги отвори границите на Германија за бегалците во екот на миграциската криза во Европа во 2015 година. Таа ги привлече кон себе Германците со пораката "Можеме да го направиме". Повеќе од еден милион азиланти, околу половина од нив од Сирија, Ирак и Авганистан, пристигнаа по таа нејзина одлука. И додека таа постојано го брани контроверзниот потег, ветува дека оваа овој поток од бегалци во земјата нема да се повтори.
Односите со Трамп
Кога Доналд Трамп победи на претседателските избори во САД, Ангела Меркел го поздрави, повикувајќи за идна соработка со почитување на демократските вредности. Невообичаената порака натера некои медиуми да ја дефинираат како новиот "лидер на слободниот свет" - термин на кој таа се потсмева, велејќи дека е апсурдно да се смета дека еден човек може да ги реши проблемите на светот. Границите на нејзиното влијание беа истакнати за време на самитот на Г-20, кој се одржа од Хамбург во јули, кога лидерите не успеаја да ги надминат разликите со Трамп во однос на грижата за климата и протекционизмот.