Дојче банк планира кратење на уште 10 000 вработени
Објавено во: Економија 14 Октомври, 2016
Минатиот месец финансискиот директор на Дојче банк, Маркус Шенк изјави дека кратењата на работни места во банката можат да надминат двојно од досега планираното.
Тоа значи отстранување дополнително на уште 10 000 вработени, објави агенцијата Ројтерс.
Иако засега не е донесена ваквата одлука, изјавата на Шенк сигнализира дека водечкиот германски кредитор размислува за понатамошни значителни намалувања на трошоците.
„Маркус Шенк објави дека банката ќе треба да скрати уште 10 000 вработени, за да ги намали трошоците" - посочи неименуван извор на Ројтерс, кој присуствувал на состанокот со главниот финансиски директор.
Во оваа фаза од Дојче банк одбиваат да ги коментираат информациите.
Европската централна банка смета дека трошоците на Дојче банка се прекумерни.
Ако уште 10 000 вработени ги загубат своите работни места, откако пред една година (во октомври 2015-та) Дојче банк објави дека има намера да го намали персоналот со 9000, тоа би значело дека ќе биде засегната речиси една петтина од работната сила на најголемиот германски кредитор.
Во меѓувреме политичарите во Германија, кои се подготвуваат за претстојните парламентарни избори во 2017 гоидна, ги следат со загриженост случувањата со Дојче банк.