Доктор Пропаст предвидува најопасна економска ситуација, полоша е од инфлацијата-еве и зошто!

Добивај вести на Viber

Економистот Нуриел Рубини, познат по своите песимистички прогнози, предвидува дека американската економија ќе влезе во рецесија до крајот на оваа година.

Како и дека таа рецесија би можела брзо да се претвори во стагфлација.

Прекарот на Рубини е „Доктор Пропаст“ бидејќи успешно предвидувал големи кризи, како онаа од 2008 година. Кога неколку години пред таа криза го презентираше своето сценарио за иднината, многумина мислеа дека претерува, но се покажа дека е во право, пренесува порталот Бизнис и финансии.

Овојпат тој предвидува големо забавување на американската економија, поради повеќе фактори, меѓу кои пандемијата на коронавирус која сѐ уште е присутна, војната во Украина, политиката на Кина против Ковид-19, која предизвикува недостиг низ светот итн.

„Сè уште не сме во рецесија, но сме многу блиску до неа. Сите важни економски показатели опаѓаат, од довербата на клиентите, малопродажбата, производните активности, до продажбата на недвижности“, рече Рубини.

Оваа ситуација, вели тој, може да доведе до стагфлација како што се гледа во 1970-тите во САД. Во тоа време економијата растеше многу бавно, за разлика од инфлацијата која беше висока. 

„Тежителна околност во однос на кризата од седумдесеттите е што сега имаме спирала на долгови“, тврди Рубини. Ова е нов терен за централните банки, бидејќи тие сѐ уште не биле во таква ситуација.

Foto: Screenshot Youtube