29 Јануари, 2020
0.0216

За прв пат во историјата: Домашни банки ја „спасуваат“ Македонија со 135 милиони евра

Објавено во: Финансии 10 Декември, 2019

Македонија за прв пат во својата унитарна историја со одлука на Владата ќе се задолжи кај домашните комерцијални банки за околу 135 милиони евра, односно 8.172.500.000 денари кај шест кредитори за да врати заем чиј рок истекува на почетокот од следната година.

Ова е прв пат земјата да се задолжува на ваков начин, покрај традиционалните кредити од меѓународните финансиски институции, еврообврзниците и издавањето на записи откако во 1993 при формирањето на националниот монетарен систем се задолжи од Народната банка.

Станува збор за договор за краткорочен кредит за отплата/рефинансирање на дел од долгорочен кредит во износ од 155 милиони евра (втора рата од PBG заем склучен во 2013 година) кој доспева за плаќање на 29 јануари следната година.

Според износите, најголемото задолжување ќе биде кај Комерцијална банка во износ од 3.690.000.000 денари, Стопанска банка Скопје е на второто место со сума од 1.845.000.000 денари, а потоа следуваат НЛБ банка со 1.100.000.000 денари, Охридска банка со 615.000.000 денари, Халк банка со истата сума од 615.000.000 денари и Шпаркасе банка со 307.500.000 денари. 

Според договорот кој го склучува Министерството за финансии и во име на земјата ќе го потпише министерката за финансии Нина Ангеловска, кредитите ќе се користат под фиксна каматна стапка која изнесува 0,7 отсто на годишно ниво и еднократна провизија за водење на кредитен аранжман во износ од 0,2 проценти од вкупниот износ на кредитот. 

Рокот на отплата ќе биде до 28 декември 2020 година и ќе биде еднократно отплатен на самиот ден на доспевање на кредитот.  Кредитот, според одлуката, ќе се отплаќа со средства од државниот буџет.

Министерката за финансии Нина Ангеловска при презентацијата на предлог-буџетот за 2020 година најави дека следната година ќе следува фискална консолидација и отплати на големи долгови земени во блиското минато. Според министерката, стабилноста на кредитниот рејтинг кај инвеститорите овозможува ниски каматни стапки.

„Стабилноста на долг рок подразбира државата да биде подготвена за навремено враќање на големите и скапи кредити кои беа земени во минатото, а кои треба да се вратат со буџетот за 2020 година и како и во наредните буџетски години. Во овој контекст треба да се имаат во предвид 2020 и 2021 година кога за враќање доспеваат околу 835 милиони евра само по основ на само три големи претходни задолжувања (втора рата од PBG заем од 2013 година во износ од 155 милиони евра, евро-обврзница од 500 милиони евра издадена во 2014 година и остаток од еврообврзница од 180 милиони евра издадена во 2015 година). На овој износ треба да се додадат и останатите отплати на долгови на домашен и странски пазар“, истакна Ангеловска. 

Нето-задолжувањето, односно разликата меѓу новото задолжување и отплата на стари долгови во 2020 година ќе изнесува 19,7 милијарди денари (12,3 милијарди денари нето-домашно задолжување преку државни хартии од вредност и 7,4 милијарди денари нето-надворешно задолжување). Со овие средства, ќе се покрие буџетскиот дефицит од 17,4 милијарди денари, а на сметка ќе се акумулираат 1,1 милијарди денари како депозит.

Александар Кузмановски

Можеби ќе ве интересира

СТАРИ ДОЛГОВИ - утре ќе вратиме одеднаш 166 милиони евра

СТАРИ ДОЛГОВИ - утре ќе вратиме одеднаш 166 милиони евра

ММФ ГИ НЕМА РОЗОВИТЕ ОЧИЛА НА ПОЛИТИЧАРИТЕ - што ни предвидуваат

ММФ ГИ НЕМА РОЗОВИТЕ ОЧИЛА НА ПОЛИТИЧАРИТЕ - што ни предвидуваат

Првиот човек на „Алкалоид“, Мукаетов, купи 500 акции од компанијата

Првиот човек на „Алкалоид“, Мукаетов, купи 500 акции од компанијата

ИМА ЛИ РАЗИДУВАЊА ВО ВЛАСТА - кој сака а кој не да се зголеми повратот на ДДВ

ИМА ЛИ РАЗИДУВАЊА ВО ВЛАСТА - кој сака а кој не да се зголеми повратот на ДДВ

Расте довербата за вложување во инвестициски фондови

Расте довербата за вложување во инвестициски фондови

Министерката Ангеловска, и кога е излезена, скенира фискални

Министерката Ангеловска, и кога е излезена, скенира фискални

Роди ме мајко програмер или контролор на летање и фрли ме на патот

Роди ме мајко програмер или контролор на летање и фрли ме на патот

БАНКИТЕ ПОЛНИ СО ПАРИ - фирмите не бараат или не им даваат кредити

БАНКИТЕ ПОЛНИ СО ПАРИ - фирмите не бараат или не им даваат кредити

НЕМА ДА ОДИ НАГОРЕ: МојДДВ останува на 15 проценти поврат

НЕМА ДА ОДИ НАГОРЕ: МојДДВ останува на 15 проценти поврат