Дошол со 300 евра во Германија, работел по цел ден и се исплатело!

Добивај вести на Viber

Марио Радиќ(27) од Загреб откако видел дека многу тешко преживува во својата земја, решил да замине во Германија. 

Потоа му се придружила и сопругата со детето. Тој раскажува дека му било многу тешко на почеток. 

„Спиев на паркинзи и многу ми беше тешко. И денес е тешко да се најде стан  дури и ако знаете јазик. Се бара преку агенција, а тие многу скапо ја наплаќаат оваа услуга дури и колку две месечни кирии. Освен скапотијата, има и недостиг на станови и тоа околу 280.000“ - вели тој. 

Радиќ раскажува дека државата има потреба од работна сила, но нема капацитети за сместување. 

Тој во Германија стигнал во време кога биле потребни работни дозволи, а 13 дена спиел на паркинг и преку ви фи на мобилниот телефон се трудел на интернет да најде работа. 

Запознал човек кој го вработил, а сега чека да почне со работа во една од најмоќните градежни компании во земјата. 

Хрватот додава дека сите сакаат да одат во Германија, но таму не е бајка затоа што за соба се плаќа по 600 евра. 

Вели дека заминал со 300 евра, но целта му била да го обезбеди семејството. 

Радиќ вели дека луѓето се помалку се расположени да помогнат на некого. 

Сепак, додава дека никогаш не планира да се врати во Хрватска затоа што во Германија имаат услови за нормален живот.