ДРАСТИЧЕН ПАД НА ЦЕНИТЕ: За колку ќе се намалат роаминг услугите во Западен Балкан
Објавено во: Економија 23 Мај, 2019
За четриесетина дена ќе се намалат роаминг услугуте на земјите од Западен Балкан. Македонците, Албанците, граѓаните на Косово, Србија, Црна Гора и Босна и Херцеговина од први јули ќе можат да зборуваат меѓусебно по намалени роаминг услуги за 70 отсто.
Вчера во бисерот на државата, Охрид претставници на земјите од регионот договараа како да се спроведе договорот кој на политичко ниво беше донесен на почетокот на април.
Директорот на АЕК, Сашо Димитровски истакна дека на состанокот се инсистирало да се избегнат долгите процедури во преоден период додека операторите ги имплементираат механизмите. Тој исто така, потенцираше дека целта е во јули 2021 година роамингот да биде целосно укинат и да се наплаќа како потрошен домашен сообраќај, како што е во моментов во Европа.
Директорот Димитровски сподели и дека се очекува намалување на роаминг услугите и со соседна Грција до крајот на годинава.