04 Декември, 2021
0.0215

ДВЕ СЛАВНИ ЈУГОСЛОВЕНСКИ ЛИЧНОСТИ ПОЧИНАА ОД КОВИД: Титовиот адмирал Бранко Мамула и голманот Драган Пантелиќ ја изгубија последната битка

Објавено во: Балкан 20 Октомври, 2021

Еден од најважните воено-политички лидери на поранешната Социјалистичка Федеративна Република Југославија, пензионираниот адмирал на југословенската морнарица Бранко Мамула, почина на 101-годишна возраст од последиците предизвикани од корона вирусот, во неговиот стан во Тиват.

Бранко Мамула беше активен учесник во формирањето и развојот на поранешна Југославија, од Втората светска војна до распадот на СФРЈ. Тој беше назначен за началник на Генералштабот на ЈНА во 1979 година, каде што остана до мај 1982 година, кога беше назначен за федерален секретар за национална одбрана, кој го одржа до пензионирањето во највисокиот поморски чин - адмирал на флотата, во 1988 година.

Има напишано вкупно осум книги, вклучително и неколку професионални книги од областа на војување на море.

Борбата со корона вирусот не ја издржа и славниот голман, Драган Памнтрелиќ, кој синоќа почина на 69-годишна возраст. Фановите на фудбалот ќе го паметат како голман кој можеше да ги затресе мрежите на противничките тимови.

Легендарниот голман, кој бранеше поголем дел од својата кариера за Раднички од Ниш, не успеа да се избори за својот живот по неколкудневната борба на Универзитетската клиника во Ниш.

Кариерата ја започна во Лешница, а бранеше и за Графичар, Бордо Тимок и репрезентацијата на Југославија, која учествуваше на Олимписките игри во Москва во 1980 година и на Светското првенство во Шпанија во 1982 година.

За 20 години колку што траеше неговата фудбалска кариера, тој одигра 529 натпревари на клупско ниво и уште 19 во дресот на националниот тим. Она што го издвојува од останатите е неговата изведба на пенали при што безмилосно ги затресе мрежите на колегите од другата страна. Тој постигна вкупно 29 гола. Голот што го направи славен и кој веројатно ќе се памети засекогаш, го постигна против Вележ во 1980 година. Топката од неговиот гол заврши во противничкиот.


Можеби ќе ве интересира

Уапсени се неколку хрватски антиваксери за кои постои сомнеж дека поттикнувале тероризам

Уапсени се неколку хрватски антиваксери за кои постои сомнеж дека поттикнувале тероризам

Највисокиот грчки суд ги одби жалбите за задолжителна вакцинација

Највисокиот грчки суд ги одби жалбите за задолжителна вакцинација

Партнерката на премиерката Ана Брнабиќ на насловната страна на модно списание - СИНОТ И ЈАС ЗАЕДНО СЛЕДИМЕ КОНЦЕРТИ

Партнерката на премиерката Ана Брнабиќ на насловната страна на модно списание - СИНОТ И ЈАС ЗАЕДНО СЛЕДИМЕ КОНЦЕРТИ

Ако патувате во Црна Гора, има четири услови за влез

Ако патувате во Црна Гора, има четири услови за влез

Земја од регионот е во топ три дестинации во светот за 2021

Земја од регионот е во топ три дестинации во светот за 2021

ДАЛИ Е ПОТРЕБНА СУПЕРВАКЦИНА ЗА ДА ГО ПОБЕДИМЕ КОВИД? Вирусот има повеќе од 30 мутации, виролозите апелираат на одговорно однесување

ДАЛИ Е ПОТРЕБНА СУПЕРВАКЦИНА ЗА ДА ГО ПОБЕДИМЕ КОВИД? Вирусот има повеќе од 30 мутации, виролозите апелираат на одговорно однесување

ОМИКРОН ПОТВРДЕН ВО ГРЦИЈА: Заразен е патник кој се вратил од Јужна Африка

ОМИКРОН ПОТВРДЕН ВО ГРЦИЈА: Заразен е патник кој се вратил од Јужна Африка

Дали омикрон стигна во Албанија?

Дали омикрон стигна во Албанија?

Криминална група издавала грчки пасоши на криминалци од други држави

Криминална група издавала грчки пасоши на криминалци од други држави