Две земји ќе ја прекинат трговската војна
Објавено во: Економија 20 Мај, 2018
Вашингтон и Пекинг се согласија да ја напуштат секоја трговска војна и да се повлечат од наметнување тарифи еден на друг, пишуваат денеска кинеските државни медиуми.
Ова следи по разговорите на високо ниво во главниот град на САД и по неколку месеци тензии за она што претседателот Доналд Трамп го означи како нефер трговски однос меѓу двата економски гиганти.
„Двете страни постигнаа консензус, веќе нема да водат трговска војна и ќе престанат да ги зголемуваат меѓусебните тарифи“- објави државната новинска агенција Ксинхуа.
Трамп постојано се бунеше против трговскиот дефицит на неговата земја со Кина, опишувајќи ја како опасност за националната безбедност на САД и се закануваше дека ќе воведе тарифи за кинеските стоки во вредност од милијарди долари.