Џелал Бајрами ќе го менува Марко Зврлевски
Објавено во: Македонија 08 Јуни, 2017
Советот на јавни обвинители според засега непотврдени информации веќе го прифатил предлогот на Владата за разрешување на јавниот обвинител Марко Зврлевски со тоа што има законски рок за одлучување од 15 дена. Доколку Советот не донесе одлука по овој рок следат уште 15 дена во кои ако нема одговор ќе се смета дека предлогот на Владата е позитивен.
Бидејќи веќе се врши голем притисок Зврлевски да биде сменет се поизвесно е дека до избор на нов јавен обвинител вршител на должноста ќе биде Џелал Бајрами кој порано беше заменик министер за внатрешни работи, и тоа во време кога се случи масакрот во Смилковското езеро каде беа убиени четирите момчиња од Радишани и рибарот од Црешево.
Бајрами потоа беше и заменик министер за труд и социјална политика, а иако нема искуство во обвинителството го избраа во Советот на јавни обвинители поради принципот на правична застапеност.
Неизвесно е како ќе продолжи кариерата на Бајрами штом СДСМ и коалицијата го изгласаат наследникот на Зврлевски во Собранието на Република Македонија за што сега најмногу се шпекулира дека ќе биде Фатиме Фетаи од СЈО.