Добивај вести на Viber
Дури во 2014 се очекува позначаен економски раст во земјите од регионот, предвидува Питер Санфи, економист во Европската банка за обнова и развој (ЕБРД).
-Стопанските перспективи за регионот се загрижувачки, па се очекува мал раст во регионот во 2013 година. Но, се надеваме дека во 2014 година ќе дојде до заздравување во еврозоната и во светот, а тоа ќе помогне на регионот“, вели Санфи.
Тој предупреудва дека економскиот раст од времето пред кризата, односно пред 2008 година, нема да се повтори затоа што нема веќе да има прилив на евтин капитал. Затоа смета дека треба да се провери кои се препреките во фуинкционирањето на стопанството.
Санфи потсети дека целиот регион на Југоисточна Европа има проблем со привлекување странски инвестиции кои со години се во пад. Тоа се должи на препазливоста на инвеститорите, но и на проблемите на глобално ниво.