Македонија ќе земеше 3,7 милијарди евра – ако беше членка на ЕУ!

Добивај вести на Viber

Ако Македонија е дел од ЕУ, од 2014 до 2020 година би добила 3,7 милијарди евра помош. Ова го покажуваат пресметките на Европската комисија. Сега пак, со новиот Инструмент за предпристапна помош (ИПА-2) ќе и бидат достапни 595 милиони евра во следните седум години, јавува дописникот на МИА од Брисел. Oсвен што би добиле 3,7 милијарди евра, како членка на ЕУ, Македонија би морала да уплати средства во буџетот на ЕУ во висина од 739 милиони евра.Разликата е ако  државата е членка на Унијата, во следните седум години би имала нето-бенефит од Брисел во висина од 2,3 милијарди евра. Податоците велат дека Македонија досега од ИПА последниве години имала на располагање во просек по 85 до 90 милиони евра годишно, со тоа што на почетокот во 2007 година ни биле достапни 56 милиони евра, а годинава преку 110 милиони евра, но државата не искористила доволно за целиот седумгoдишен период од овие средства, односно само околу третина. Затоа, со новиот ИПА-2 систем за помош од Унијата, Македонија ќе добива по фиксни 85 милиони евра секоја година или вкупно 595 милиони евра, анализира МИА.