Добивај вести на Viber
Партијата ВМРО-ДПМНЕ слави 31 година од постоењето, а денеска на социјалните мрежи роденденот го честиташе и поранешниот нејзин лидер, Никола Груевски, моментно осуден во Македонија, а политички азилант во Унгарија. Вели дека честита заштоа што бил водачна партијата долги години низ мноштво, како што вели, победи и успеси.
Додава дека ВМРО-ДПМНЕ низ годините, биланосител на најголемите општествени и економски промени, реформи и напредоци на Македонија. Во моментот на заминувањето таа партија броела 181.000 членови и тогаш, вели Груевски тие биле носители на тие промени.
„Денес кога Македонија е под режимот на една мафијашка власт која економски ја врати Македонија децении назад, која го контролира правосудството и ја диктира неговата работа во најситни детали од тоа кој да биде прогонуван до тоа кога и на каков начин тоа да се објави и пласира на јавноста преку мноштвото контролирани медиуми, кога националните интереси се на распродажба и кога криминалот и рекетот се главната водилка на власта, од најголем интерес за Македонија е силно и моќно ВМРО-ДПМНЕ. А силата е во секој член на партијата, во секој активист, во секој поддржувач и во секој човек во земјата и дијаспората кој сака многу поуспешна и попросперитетна Македонија, пишува Груевски.