29 Мај, 2020
0.0200

Електромобилност: Намалување на ДДВ за електрични, а не за стари возила

Објавено во: Економија 13 Септември, 2019

Здружението за промовирање на електрични возила „Електромобилност“ реагира на најавите кои доаѓаат од Владата и од министерството за економија дека данокот на додадена вредност за увоз на моторни возила би можел да се намали од 18 на под 5 отсто на одреден период.

„Имено на 31.07.2019 г. од страна на нашето Здружение за промовирање на електрични возила ЕЛЕКТРОМОБИЛНОСТ Скопје, беше поднесена предлог иницијатива до Министерството за финансии за намалување на ддв од 18% на 5% при увоз на електрични возила, откако пропаднаа првичните најави на Владата кои воедно беа и дел од „Планот за чист воздух“ да се субвенцонираат електрични и хибридни возила.

На ваквата наша иницијатива Министерството за финансии ни достави одговор дека е неприфатливо намалувањето на ддв од 18% на 5% при увоз на електрични возила бидејќи:
"Негативни фискални импликации од намалувањето на данокот на додадена вредност за предметните добра не се предвидени при планирањето на буџетските приходи по основ на данокот на додадена вреднот.
Дополнително би сакале да известиме дека прифаќањето на предложеното намалување на стапката на ДДВ од 18 на 5% за електрични возила е во спротивно на Анекс III од директивата за ДДВ на Европската унија, што негативно ќе се одрази во извештајот на Република Северна Македонија како земја кандидат за членство во Европската Унија во делот на поглавјето кое се однесува на Одданочувањето.“, пишува во првиот дел од реакцијата.

Од таму велат дека се работи или за популизам или за некоординираност помеѓу двете министерства - за економија и за финансии. И од Владата и самиот министер за економија Крешник Бектеши најавија дека ќе следуваат јавни расправи со сите засегнати страни, се со цел да се утврди како мерката ќе се одрази на државната каса. Едни мислења влечат на страната  за времено намалување на ДДВ-то на увоз на половни и нови автомобили, а други за мерката за субвенционирање до 300 евра при купувањето автомобил.

„Епа сега г-дине Крешник Бектеши навистина не интересира дали се искоординиравте со Министерството за финансии пред да го дадете овој предлог кој очигледно дека негативните фискални импликации од вака намаленото ддв не се предвидени од страна на Владата? или тоа во овој случај нема да важи? Во што се разликува Вашиот предлог од нашата иницијатива освен во тоа што ние зборуваме за увоз на електрични возила а Вие за увоз на стари (и „нови“) возила од кои 99% ќе бидат со мотор на внатрешно согорување.
Во првичната верзија на предлог измените на Законот за возила прво кажавте дека ќе се субвенционираат електрични и хибридни возила (за што многу се фалевте и измените ги најавуваа и други институции), за да на последното читање во Собраниска комисија со амандмани ги измените целосно предлозите за промена на Законот и го направите целосно нефункционален во поглед на средување на возниот парк во Државава, кој е КАТАСТРОФАЛЕН, и е втор по големина причинител за загадување на воздухот.
А на Министерството за Финансии едно прашање кое не е лошо да го проверат, дали во Португалија и Австрија има намалување на ДДВ-то при увоз на електрични возила како еден од начините за мотивирање на граѓаните при набавка на овие превозни средства. Или за нив не важат правилата на ЕУ кои ги цитиравте во одговорот на нашата иницијатива?“, сметаат од „Електромобилност“.

Инаку Бектеши најави дека мерката која, како што вели тој, во моментов се разгледува, но сѐ уште не е донесена, предвидува ДДВ на моторни возила од 18 отсто на помалку од 5 отсто да се намали во период од 6 до 12 месеци и да започне да се применува од почетокот на следната година.

Истовремено од први ноември ќе започне променет начин на оданочување на возилата кои ќе се увезуваат во земјава. Сите граѓани и фирми кој ќе увезат нови или употребувани возила ќе треба да платат данок врз основа на вредноста, но и врз основа на просечната емисија на јаглерод диоксид. 



Можеби ќе ве интересира

Каков платен биланс имаше во првиот квартал од 2020 година?

Каков платен биланс имаше во првиот квартал од 2020 година?

МОЖЕ ДА СЕ ЈАВИ СОЦИЈАЛНО НЕЗАДОВОЛСТВО: БДП во Италија ќе падне за 13 отсто

МОЖЕ ДА СЕ ЈАВИ СОЦИЈАЛНО НЕЗАДОВОЛСТВО: БДП во Италија ќе падне за 13 отсто

НЕВРАБОТЕНОСТА ЗЕМА ЗАМАВ: Коронавирусот остави без работа над 40 милиони Американци

НЕВРАБОТЕНОСТА ЗЕМА ЗАМАВ: Коронавирусот остави без работа над 40 милиони Американци

ОД ЖИВА МУЗИКА, ДО ИГРАЊЕ НА МАСИ И ГУШКАЊЕ - Пауновски разочаран од локалите, од вечерва ќе заиграат и казни

ОД ЖИВА МУЗИКА, ДО ИГРАЊЕ НА МАСИ И ГУШКАЊЕ - Пауновски разочаран од локалите, од вечерва ќе заиграат и казни

ЌЕ НАСТРАДА СРЕДНАТА КЛАСА: Пандемијата ќе втурне во сиромаштија 400.000 луѓе од Западен Балкан

ЌЕ НАСТРАДА СРЕДНАТА КЛАСА: Пандемијата ќе втурне во сиромаштија 400.000 луѓе од Западен Балкан

РАСТ: Дури една третина од граѓаните кои имаат интернет купуваат он-лајн

РАСТ: Дури една третина од граѓаните кои имаат интернет купуваат он-лајн

Ангеловска на Woman in Tech: Кризата донесе можности за жените претприемачи и дигитализацијата

Ангеловска на Woman in Tech: Кризата донесе можности за жените претприемачи и дигитализацијата

ИНТЕРВЈУ СВЕТОЗАР ЈАНЕВСКИ: Сега на луѓето им треба оптимизам, за економијата е нужна многу поголема поддршка

ИНТЕРВЈУ СВЕТОЗАР ЈАНЕВСКИ: Сега на луѓето им треба оптимизам, за економијата е нужна многу поголема поддршка

За дрвокрадците 230 милиони денари казна што нема „никогаш“ да ја платат

За дрвокрадците 230 милиони денари казна што нема „никогаш“ да ја платат