Ердоган го возвраќа ударот, сакал да покаже докази дека Русија тргува нафта со „Исламска држава“
Објавено во: Балкан 03 Декември, 2015
Турскиот претседател Реџеп Ердоган изјавил дека Турција има докази за тоа дека Москва е вмешана во нелегална трговија на нафта со „Исламска држава“.
„Имаме докази во наши раце. Ние ќе ги откриеме нив пред целиот свет“, изјавил турскиот лидер во телевизиското обраќање.
Ердоган обвиненијата ги објавува само еден ден откако руското Министерство за одбрана го обвини турскиот претседател Реџеп Ердоган и неговото семејство за нелегална трговија на нафта со „Исламска држава“.
„Главниот потрошувач на ова нафта украдена од нивните законски сопственици во Сирија и Ирак, е Турција. Според достапните информации, највисокото ниво на политичко раководство во земјата - претседателот Реџеп Ердоган и неговото семејство, се вмешани во овој криминален бизнис“, изјавил за новинарите рускиот заменик-министер за одбрана Анатолиј Антонов.