28 Март, 2024
0.0255

ЕСМ купи јаглен за РЕК Битола за 32 милиони евра од три компании, цени и до 65 евра по тон

Објавено во: Економија 22 Јуни, 2022

Добивај вести на Viber

АД ЕСМ по затворените тендери за набавка на јаглен за потребите на РЕК Битола за „Фактор“ информира дека се склучени три договори за испорака на рекордни 550.000 тони јаглен за сума од 1,936 милијарди денари, или приближно 32 милиони евра. Ако во добрите стари времиња се копаше јаглен за неколку евра по тон, сега по сите нови енергетски и геополитички феномени, ќе се купува увезен за околу 55 до 65 евра по тон.

РЕК Битола со затворањето на двата огласи на 12 април и 30 мај добива 400.000 тони јаглен од компанијата Хај Тауерс од Албанија, а договорот е постигнат во мај  Потеклото на јагленот е од Албанија, а цената е 449 денари за гигаџул, што е многу повеќе во однос на она што своевремено им се плаќаше на локалните приватни компании за ископ на јаглен во рудниците на РЕК Битола. Договорот со Хај Тауерс изнесува 22,2 милиони евра без ДДВ.

Втората и третата компанија се од Скопје - Куантум Солушнс и Енергија Икс, кои треба да набават 100 тони јаглен од Грција, односно 50.000 тони од Албанија, по постигнатите договори во јуни. Куантум Солушнс ќе наплати 6,3 милиони евра по цена од 457 денари од гигаџул, додека договорот со Енергија Икс изнесува околу 3,25 милиони евра и цена од 455 денари по гигаџул.

Лани со почетокот на енергетската криза, државните електрани во услови на оскуден ископ на наоѓалиштата, најавуваа набавка од 900.000 тони јаглен, но купувањето заврши со скромен резултат и потрошени помалку од 3 милиони евра, според отчетот што го дадоа генералниот директор Васко Ковачевски и министерот за економија Крешник Бектеши во април. ЕСМ со поддршка од државниот буџет се потпре на купување на увозна струја (34,5 милиони евра), електрична енергија од гасната централа ТЕ-ТО (66 милиони) и на мазут (31,7 милиони). Немаше одговори или податоци колку количини на јаглен беше ископан од домашните наоѓалишта во екот на енергетската криза.

Истовремено од АД ЕСМ информираат дека набавката на јаглен за РЕК Осломеј е поништена. Поранешен ЕЛЕМ во мај објави дека бара 350 илјади тони јаглен за кичевскиот капацитет, а огласот беше затворен овој месец. За време на грејната сезона „Осломеј“ работеше по потреба, односно со повремен режим на работа според потребите на електро-енергетскиот систем или при застои и ремонти на другите електрани. Во тој период и со тој режим, според податоците кои ни ги даде ЕСМ, потрошени се 175.000 тони јаглен и 5.360 килограми мазут.

А.К.

Можеби ќе ве интересира

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

Просечна плата во АЕК надминува 1.000 евра

Просечна плата во АЕК надминува 1.000 евра

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

САНКЦИОНИРАН Е ВО УКРАИНА: Руски милијардер го купи „Звечево“

САНКЦИОНИРАН Е ВО УКРАИНА: Руски милијардер го купи „Звечево“