ЕСМ за една недела купи увозна струја од 9 милиони евра, речиси 3 милиони за ЕТМТ Енерџи
Објавено во: Економија 11 Ноември, 2022
ЕСМ го објави купопродажниот резултат на електрична енергија од приватни снабдувачи за тековниот период од 7 до 13 ноември, во кој е предвидено да се купи струја од околу 3,6 милиони евра за домаќинствата и малите потрошувачи.
Ова е прва испорака откако започна грејната сезона, а изминатиот период ЕСМ се потпираше на сопствените капацитети. Од следната недела ќе се купува уште повеќе, а најмногу од контроверзната компанија ЕТМТ Енерџи и ГЕН-И. Вкупно, ЕСМ за две недели ќе потроши речиси 9 милиони евра.
За оваа недела од ГЕН-И по цена од 222 евра од мегаватчас се купени 7.392 мегаватчасови. Од Данске Комодитис се превземаат 4.368 мегаватчасови по цена од 215 мегаватчасови. Најевтината прифатена понуда е од Дуферко со 5.040 МВЧ со платени 205 евра за секој од нив. За цените може да се каже дека се помали од најкритичниот пик за берзите, но и натаму се далеку повисоки од оние од пред две години кога можеше да се купува по 50 евра од МВЧ.
Сепак, она што ќе следува следната недела од 14 до 20 ноември ќе претставува голем финансиски предизвик и ќе се потрошат 5,33 милиони евра. Поголеми се количините, а повисоки се и цените. Од контроверзната албанска компанија ЕТМТ Енерџи, која претходно ги купуваше вишоците од ЕСМ и својата дејност во Македонија ја започна со почетокот на енергетската криза, се купуваат 8.400 мегаватчасови од по 234 евра во еден термин, како и 3.570 мегаватчасови по цена од 251 евро во вториот термин. Тоа се безмалку 2,9 милиони евра само за една недела за ЕТМТ Енерџи.
Следната недела ќе се купува уште и од Дуферко со кого во првиот термин се договорени 5.040 мегаватчасови по 234 евра, додека во вториот термин од ГЕН-И за 288 евра се купуваат 4760 мегаватчасови. ГЕН-И би остварил најголем промет од околу 3 милиони евра.
Министерот за економија Крешник Бектеши вчера пред медиумите изјави дека увозна струја мора да се купува затоа што пресметките велат дека трошокот за ТЕЦ Неготино бил поголем. Според министерот, поисплатливо е да се купува струја од снабдувачи, отколку да работи термоелектраната.
- Ако работи ТЕЦ Неготино производството по мегават час ќе биде поголемо од цената што е увозна. За да не направиме штета на буџетот, ние одлучивме - подобро да увеземе од овие количини кои се околу 200 евра, а производствената цена на ТЕЦ Неготино со мазутот е поголема од 240 евра по мегаватчас. Ние одлучивме да штедиме и ТЕЦ Неготино да не работи во овој момент, согласно берзанските цени на електрична енергија, рече вчера Бектеши.
Александар Кузмановски
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВОЗАЧИ, ЕВЕ ШТО ТРЕБА ДА ЗНАЕТЕ КОГА УТРЕ ЌЕ ОДИТЕ НА БЕНЗИНСКА - Регулаторна со нови цени на горивата
Еве ги најголемите економски патриоти! Кои се најголемите македонски извозници меѓу котираните компании?
МИЦКОСКИ КАЖА КОГА КОНЕЧНО ЌЕ СЕ ДЕФИНИРААТ УСЛОВИТЕ ЗА УНГАРСКИОТ КРЕДИТ: Еве што најави
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
ШТО Е ТОА ШТО ГИ РАЗЛИКУВА „ТЕМУ“, „АЛИЕКСПРЕС“ И „ШЕЈН“: Голема трка за новиот кинески император
БАНКРОТ НА ЕВРОПСКИОТ ГИГАНТ ЗА БАТЕРТИИ: Директорот поднесе оставка откако се тргна надолу
Должник на МЕПСО од Косово пред суспензија од пазарот за електрична енергија
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
Соработката со „Бехтел ЕНКА“ продолжува со презентации во Прилеп и во Битола за тендерските процеси и за зајакнување на учеството во локалниот синџир на снабдување
