Добивај вести на Viber
Авиокомпанијата Етихад ервејз од Cоединетите арапски емирати и српскиот авиопревозник Јат, на 1. август во Белград, ќе потпишат Cпогодба за стратешко партнерство, најавија од Етихад.
Како што пренесуваат српските медиуми, документот, во име на Владата, треба да го потпише првиот потпретседател на владата, Александар Вучиќ.
Потоа ќе биде одржана прес-конференција за новинарите во хотелот Хајат, на која ќе бидат изнесени детали од аранжманот.
Националната авиокомпанија на Cоединетите арапски емирати, Етихад ервејз, владата на Cрбија и српскиот авиопревозник Јат ервејз, на 17 јуни во Белград, потпишаа иницијален меморандум за рабирање, кој предвидуваше да се испита можноста за вложување на сопственичкиот капитал на Етихад во Јат.