Добивај вести на Viber
Европската унија и десет земји од Латинска Америка потпишаа договор со кој што ставија крај на т.н “војна за банани”. Се работи за меѓународен спор, кој се однесуваше на тарифите за трговија со јужно овошје. Откако се потпиша договорот во Светската трговска организација во Женева, чекорот беше позитивно оценет и од директорот на СТО Паскал Лами, кој настанот го оквалификува како “ историски момент” за ЕУ и Латинска Америка. “Војната за бананите” почна во 1991 година, кога преставниците од Костарика ја обвинија Европа дека на производителите на банани од нејзините поранешни колонии во Африка и на Карибите, им овозможува извоз на европските пазари по поволни услови, на штета на производителите на банани од латиноамериканските земји.