21 Февруари, 2019
0.2581
    ALK 8440.21    0.49%     BESK 9300    3.32%     CEVI 900    0%     GRNT 820.24    0.05%     KMB 5540.51    0.53%     MKSD 194    -3%     MPT 51516.28    0.27%     MTUR 5100    -0.21%     OHB 6800.4    1.21%     REPL 75000    0%     RMDEN16 98.11    -0.09%     RZUS 108    2.86%     SBT 2620.28    8.61%     STB 1255.41    0.22%     STIL 127.83    1.86%     TEH 80    -20%     TEL 315    0.16%     TNB 15500    0.03%     TTK 1379.95    0%     UNI 2285.84    2.07%

ЕВРА ВО КУФЕР: На кој граничен премин влегуваат?

Објавено во: Економија 11 Октомври, 2017

Износот на пренесени девизи во кеш преку граничните премини е помал за една третина во првата половина од годинава во споредба со истиот период лани. Според бројките од Царинската управа, на граничните премини во Република Македонија, во периодот јануари-јуни 2017 година вкупно се пријавени девизни средства во противредност на 3.553.392 евра, сите на влез во земјава.

Во вкупно пријавените девизи има 2.507.080 евра, 720.780 швајцарски франци, 266.000 австралиски долари, 180.000 американски долари, 33.000 британски фунти и 979.200 македонски денари.

- Во однос на царинските испостави, најмногу девизни средства се пријавени на ЦИ Аеродром Скопје (противредност на 1.608.391 евра или 45,26 отсто), ЦИ Блаце (противредност на 1.051.084 евра или 29,58 отсто) и ЦИ Богородица (противредност на 324.307 евра или 9,13 отсто)- велат во Царината.

Во истиот период во 2016 година вкупно, на влез во Македонија се пријавени девизни средства во противредност на 5,3 милиони евра, односно во првите шест месеци од 2017 година се пријавени за 32,79 отсто помалку девизи во однос на периодот јануари- јуни лани.

Без проблеми до 2.000 евра

Законот дозволува македонските жители, но и странците кои имаат регулиран престој во земјава, да можат слободно да внесуваат ефективни странски пари и чекови кои гласат на странски пари во противвредност до 10.000 евра. Тие можат да внесат и поголема сума девизи, но при преминот на државната граница мора да го пријават износот кај надлежните царински органи.

Построги се одредбите кои се однесуваат на изнесување девизи. Резидентите можат слободно да изнесуваат странски пари и чекови во противвредност до 2.000 евра. Исто така, може да изнесат девизи во противвредност од 2.000 до 10.000 евра, но парите мора да ги пријават при преминот на државната граница кај цариникот.

За тоа им треба потврда од овластена банка или менувачница за купување на странски ефективни пари или врз основа на потврда од банка за подигање на девизи од сопствена девизна сметка. Потврдата (бордеро) важи до првото преоѓање на границата, а најдоцна 90 дена од денот на издавањето.

За македонските граѓани е забрането да изнесуваат странски пари во кеш над 10.000 евра. Странците можат да изнесат и повеќе од 10.000 евра, но тој износ не може да биде поголем од износот што при преминот на државната граница го пријавиле кај надлежните царински органи.

Шверц со девизи

Глобите за непријавување или погрешно пријавување на пари кои патниците ги носат со себе се сериозни. Казните се движат во износ од 1.500 до 3.000 евра за физички и од 6.000 до 10.000 евра за правни лица во денарска противвредност. Предвидени се и затворски казни за случаи поврзани со перење пари и финансирање тероризам. Пропишани се и мерки за одземање на целата сума или дел од привремено задржаните пари.

Но, и ова не ги спречува шверцерите на девизи. Според податоците од Царина, во периодот јануари-јуни 2017 година спречени се 36 обиди на нелегално пренесеување девизи преку граница во вкупен износ од 390 илјади евра. Само на граничниот премин Аеродром при излез од државата откриени се и одземени 105.000 евра и 155.000 дански круни, а при влез се фатени 8.000 швајцарски франци.

(М.Б.)

Можеби ќе ве интересира

Конечно надвладеа паметниот телевизор во Македонија

Конечно надвладеа паметниот телевизор во Македонија

Кој плати 413.000 евра за акции во „Макошпед“?

Кој плати 413.000 евра за акции во „Макошпед“?

Kој во Македонија зема бруто плата од 168 475 денари?

Kој во Македонија зема бруто плата од 168 475 денари?

Заев и Тевдовски го примија на средба лидерот на „Антикоцкање“

Заев и Тевдовски го примија на средба лидерот на „Антикоцкање“

Просечна плата: Лани поголема од преклани, ама дали е доволна?

Просечна плата: Лани поголема од преклани, ама дали е доволна?

Пониски сметки за парно пред почетокот на летото поради топлото време

Пониски сметки за парно пред почетокот на летото поради топлото време

Бектеши нема да го следи примерот на Костадинов и Мисовски

Бектеши нема да го следи примерот на Костадинов и Мисовски

Српски производи од Косово со повластен третман во Србија

Српски производи од Косово со повластен третман во Србија

Една од најскапите згради не е вселена, но барем нема повеќе да прави нови трошоци

Една од најскапите згради не е вселена, но барем нема повеќе да прави нови трошоци