Еврокомесар: Трамп, Путин и Ердоган се авторитарни хулигани
Објавено во: Свет 12 Април, 2017
Еврокомесарот за буџетот Гинтер Јотингер ги опиша претседателите Реџеп Таип Ердоган, Владимир Путин и Доналд Трамп како „авторитарни хулигани", соопшти Франс прес.
„Во свет кој е склон кон безредие, се постојано бучни авторитарните хулигани во Анкара, Москва и можеби дури во едно од крилата на Белата куќа во Вашингтон. Имаме потреба од стабилност, имаме потреба од сигурни вредности и повеќе од кога имаме потреба дополнителна солидарност во Европската унија "- рече тој на европски форум во Брисел.
Вели дека европскиот проект има веќе 60 години, но останува проект на иднината. Затоа сојузот на мирот, заедницата на вредностите е поважна од било кога, смета еврокомесарот.
Полемичките искази се нешто вообичаено за Јотингер, истакна АФП. Тој предизвика бурни реакции кон крајот на октомври 2016 година, кога во Хамбург кажа навредливи зборови кон Кинезите и искажа претпоставка дека хомосексуалните бракови наскоро требало да бидат наметнати во Германија. Јотингер подоцна се извини за своите зборови.